இந்தியா V தென்னாப்பிரிக்கா : முற்பகல் செய்தது பிற்பகல் விளைந்தது!!

அவசரத்துக்கு பவுலிங் பண்ண ஆள்தேவையென்று அவசர சிகிச்சைப் பிரிவிலிருந்து ஆளைக் கூட்டிவந்ததைப் போல இருந்தது இறுதி ஓவர் வீசிய நெஹ்ராவைப் பார்த்தபோது....  ஆனால், ஜாகிரின் அட்டகாசமான 49வது ஓவர் மற்றும் ஒட்டுமொத்த ஃபீல்டிங் கூட்டுமுயற்சிகளையும் அந்தக் கடைசி ஓவர் வீணடித்திருந்தாலும், இந்தப் போட்டியைக் கவிழ்த்தியது பேட்ஸ்மேன்களே...! அற்புதமான துவக்கம் கண்டும் சீட்டுக்கட்டாக சரிந்த பேட்ஸ்மேன்கள் முற்பகல் பேட்டிங்கில் செய்த கோணங்கித்தனங்கள் பிற்பகலில் விளைந்தது என்றுதான் பார்க்க வேண்டும் இந்தத் தோல்வியை...!



சூப்ப‌ர் கேம் சௌத் ஆஃப்ரிக்கா!!



  இந்த‌ உல‌க‌க்கோப்பையில் முத‌ன்முறையாக இந்தியாவின் ப‌வுலிங்கும் ஃபீல்டிங்கும் ஓரளவு திருப்திய‌ளித்த‌ போட்டியிது! இது ஒரு தோல்விதான் எனினும் பவுலிங் ஃபீல்டிங் என்று ஓர் "ஊண‌ம்" இல்லாமல் இந்திய‌ அணியை  நாற்ப‌த்தி ஒன்ப‌தாவ‌து ஓவ‌ர் வரை துடிப்புடன் பார்க்க‌முடிந்த‌து ஆறுத‌ல்...  ஆனாலும் அதனால் ப‌லனிருக்கப் போவதில்லை என்ப‌து வேத‌னை....

ப‌ந்தை விர‌ட்டும் ச‌ச்சின் : சிகரத்தை அடைந்தால் வானத்தில் ஏறு!!

இங்கிலாந்து V இந்தியா ஆட்ட‌த்தையே மீண்டும் பார்த்த‌ உண‌ர்வை இந்த‌ப் போட்டியும் கொடுத்த‌து நாம் எவ்வ‌ள‌வு ஒரு லிமிடெட் டீம் என்பதை மட்டுமின்றி நமது வியூகங்களின் ஓட்டைகளையும் சுட்டிக் காட்டியது!.... இன்றைய‌ போட்டியின் ஒப்ப‌ற்ற‌ ந‌ட்ச‌த்திர‌ம் சந்தேக‌மில்லாம‌ல் ச‌ச்சின்தான்..... நூற்றிப் ப‌தினோறு ர‌ன்க‌ள் எடுத்து நாற்பதாவது ஓவர் வரை பேட் செய்தும் சளைக்காமல் அடுத்த இன்னிங்ஸிலும் முழுக்க ஐம்பது ஓவரும் வெவ்வேறு பொஸிஷன்களில் இன்று சச்சின் ஓடி உழைத்து செய்த அபார ஃபீல்டிங்தான் ஒட்டுமொத்த இந்திய அணியின் இன்றைய திடீர் துடிப்பான செயல்பாட்டுக்கு முக்கியத் தூண்டுகோலாக இருந்தது... முப்பத்து ஏழு வயதில் டீப் பொஸிஷனில் நின்றுகொண்டு வேகமாகத் தடுத்தும், தடுத்த நொடியில் செய்த வலுவான அந்த‌ "த்ரோ" களும் கண்ணுக்குள்ளேயே நிற்கின்றன..... சச்சின் தி கிரேட்டஸ்ட் ஃபாரெவர்!!!

இந்தப் தோல்விக்குப் பொறுப்பேற்க வேண்டியது கேப்டன் தோணிதான்....! உலகக்கோப்பைக்குத் தயார் செய்கிறோம் என்று பரிசோதனை முயற்சி என்கிற பெயரில் கட்டாயம் அணியில் இடம்பிடிக்கப் போகும் வீரர்களை அலைக்கழித்த தேர்வுக்குழுவினர் இறுதியில் தேர்வு செய்துகொடுத்ததோ குறைபாடுள்ள அணியை! இது இப்படியிருக்க... இந்த‌ வேளையில் இவரும் எதற்காக விஷப் ப‌ரிசோத‌னைகள் செய்து பார்க்கிறார் என்று விள‌ங்க‌வில்லை... யூசுஃப் ப‌தானை பேட்டிங் ஆர்ட‌ரில் ப்ர‌மோட் செய்வ‌து "டிஸாஸ்ட‌ரஸ்" என்ப‌து ஏற்கெனவே கண்கூடாக நிரூபணமானபின்னும்.... டூ டவுனில் எதற்கு இன்று யூசுஃப் பதானைக் களமிறக்க வேண்டும்... மேலும் மிகுந்த வலிமையானது என்று நாம் மார்தட்டிக்கொள்ளும் இந்த பேட்டிங் ஆர்டரில் ஒரு மாபெரும் அபத்தம் வெளிப்படையாக இருக்கின்றது.... அது காம்பீர், விராட் கோஹ்லி இருவரின் ஃபுட்டேஜ் பிரச்னை.... கம்பீரும் கோஹ்லியும் திறமையான "இன்-ஃபார்ம்" பேட்ஸ்மேன்கள் என்பதில் எந்த சந்தேகமும் இல்லை இருப்பினும் அவர்கள் இருவரில் ஒருவர் ஒன் டவுனில் இறங்கலாமே தவிர‌ இருவருமே ஓர் அணியில் இருக்கையில் ப‌ல‌ன் பாதிக்கு மேல் கைகூடிவ‌ர‌ வாய்ப்பில்லை என்பதுதான் சங்கடம்!.... கோஹ்லிதான் அணியின் ந‌ம்பிக்கை த‌ரும் மிஸ்ட‌ர்.க‌ன்ஸிஸ்ட‌ன்ஸி என்று தொட‌ர்ந்து குறிப்பிட்டு வ‌ந்திருக்கிறேன்... ஆனாலும் டெத் ஓவ‌ர்க‌ளில் இவர் பேட்டிங் ஆர்டர் மாற்றிக் க‌ள‌மிற‌ங்கும் ப‌ட்ச‌த்தில் இவ‌ர‌து விக்கெட் டெயிலெண்ட‌ர்க‌ளுட‌ன் ஒன்றாக‌த்தான் க‌ண‌க்கில் போகிற‌து.... ஃபினிஷிங்கில் ந‌ன்றாக‌ செய‌ல்ப‌ட‌க்கூடிய‌ ரெய்னா (அவுட் ஆஃப் ஃபார்ம் என்றாலும்) வாய்ப்பே த‌ர‌ப்ப‌டாம‌ல் புற‌க்க‌ணிக்க‌ப்ப‌ட்டுவிட்ட‌தைக் கவ‌னிக்க‌ வேண்டும்! இன்றைக்கு பேட்டிங் ப‌வ‌ர்ப்ளேவைத் திடீரென்று முப்பத்தியொன்பதாவது ஓவரில் கோரிய‌தே வ‌யிற்றில் சில்ல‌டித்த‌து.... எதிர்பார்த்த‌வாறே ச‌ச்சினும் காம்பீரும் விக்கெட்டைப் ப‌றிகொடுத்த‌ன‌ர்... கோஹ்லி க‌ள‌மிற‌க்க‌ப் ப‌ட்டிருந்தால் பவர்ப்ளே சொர்ப்பமாகப் போயிருந்தாலும் நிச்சிய‌ம் ஒரு முனை நிலைபெற்றிருக்கும்..... யுவ்ராஜ்-கோஹ்லி நிலைத்திருக்கவும் வாய்ப்புகள் அதிகம்.... அடுத்தடுத்து யூசுஃபும் தோணியும் சுமாராகக் காப்பாற்றியிருந்தால்கூட‌ 330 ர‌ன்க‌ளை சுல‌ப‌மாக‌ அடைந்திருக்க‌ முடியும்...ஆனால் ஏற்கென‌வே சூடுப‌ட்டும் திருந்தாமல் மீண்டும் பேட்டிங் ஆர்ட‌ரைக் குழ‌ப்பி.... முந்நூறு ர‌ன்க‌ள்கூட‌ இல்லாம‌ல் ஆல் அவுட்டான‌து கேப்டன் தோணிக்கும் ந‌ம்ம‌ பேட்ஸ்மேன்க‌ளுக்கும் ஷேம் ஷேம் ப‌ப்பி ஷேம்!

வெல்டன் ஜாகிர்!

ஜாகிருக்கு இன்று ஒட்டுமொத்த‌ இந்திய‌ கிரிக்கெட் ர‌சிக‌ர்க‌ளின் ஃப்ளையிங் கிஸ்ஸூம் ப‌ற‌ந்திருக்கும்.... அற்புத‌மான‌ க‌ம்பேக்... பவுலிங்கின் முழுமையான‌ ஆளுமை தெரித்த‌து ஆர‌ம்ப ஓவ‌ர்க‌ளிலும், முக்கிய‌மான‌ அந்த‌ 49வ‌து ஓவ‌ரிலும்!! முப்ப‌த்து ஏழு வ‌ய‌தில் ப‌ந்தை விர‌ட்டிப்பிடிக்கும் ச‌ச்சினைப் பார்த்து ந‌ர‌ம்பு புடைக்கிற‌போது ம‌றுமுனையில் நெஹ்ராவைப் பார்த்தால் ஹாஸ்பிட‌ல் பென்ட‌தால் வாச‌ம் வீசுகிறது.....!! ஒட்டுமொத்த‌ கிரிக்கெட் வாழ்க்கையையும் காய‌ங்க‌ளால் ப‌றிகொடுத்துவிட்டு சுத்த‌மாக‌ ஃபிட்ன‌ஸ் இல்லாத‌னால் இள‌மை இருந்தும் டெஸ்ட் போட்டிக‌ளில் க‌ல‌ந்து கொள்ள‌முடியாத‌ வீர‌ருக்கு மீண்டும் உல‌க‌க்கோப்பையில் வாய்ப்பு கிடைத்திருக்கின்ற‌து என்றால் இவ‌ர் சோனியாகாந்திக்கு சொந்த‌க்கார‌ரோ என்றுதான் யோசிக்க‌த் தோன்றுகிற‌து!!! வேறு வ‌ழியில்லாத‌ நிலையில் இவ‌ரையும் டிராவிட்டையும் இர‌ண்டு வ‌ருட‌ங்க‌ளுக்குமுன்பு அணிக்கு அழைத்தார்க‌ள் சுமாராக‌ செய‌ல்ப‌ட்ட இவ‌ருக்கு அணியில் பெர்த் க‌ன்ஃபார்ம் ஆக‌ இஷாந்த், இர்ஃபான் போன்ற‌ ஃபெயிலிய‌ர்களை மொத்தமாக‌ நிராக‌ரித்தார்க‌ள்... விளைவு இன்றைய‌ ஆட்ட‌த்தின் க‌டைசி ஓவ‌ர்!!

க்ங்ராட்ஸ் சௌத் ஆஃப்ரிக்கா...!

தென்னாப்பிரிக்காவின் வியூக‌ம் இன்று அத‌க‌ள‌ம்.... த‌ன‌து வீர‌ர்க‌ளின் செய‌ல்பாடுகளைச் ச‌ரியாக‌ அறிந்து பொறுப்புக‌ள் வ‌ழ‌ங்க‌ப்ப‌ட்டு சொல்லிய‌டித்த‌ வெற்றி இது இடையில் த‌டுமாறினாலும்!! அசைக்க‌முடியாத‌ ம‌லையாய் ஆம்லா இன்று த‌ன்னுடைய‌ பணியை முடிக்கும்வ‌ரை எந்த‌ நிலையிலும் ரிஸ்க் எடுக்க‌வில்லை... ஸ்மித்தைப் ப‌ற்றிப் பிர‌ச்னையில்லை ஏனெனில் ப்ர‌ஷ‌ர் எதுவுமே இல்லாம‌ல் பார்ட்ன‌ர்ஷிப் போடுவ‌த‌ற்கும‌ட்டுமே அடுத்த‌ விக்கெட்டாக‌ காலிஸ் இருக்கிறார்.... இன்றைக்கு காலிஸ் இத்த‌னை அல‌ட்சிய‌மாக‌ ர‌ன்சேர்த்த‌த‌ற்குக் கார‌ண‌ம் சேஸிங் அழுத்த‌ம் அவ‌ர் தோள்க‌ளில் இல்லாத‌தே கார‌ண‌ம்.... டிவில்லிய‌ர்ஸ் என்னும் "கில்லி"தான் இதுவரையிலான தொடரின் ஒரிஜின‌ல் மேன் ஆஃப் தி ஸீரீஸ்.... எந்த‌ லிஸ்டிலும் சேர்க்க‌ முடியாத‌ அந்த‌ இர‌ண்டு ரிவ‌ர்ஸ் ஸ்கூப்க‌ளும் க‌ண்ணுக்குள்ளேயே நிற்கின்ற‌ன‌... ஹ‌ர்ப‌ஜ‌ன் ப‌டாத‌ பாடுப‌ட்டு வெளியேற்றினார் டிவில்லிய‌ர்ஸை... ஆமலாவின் விக்கெட்டும் க்ளாஸ்.. ஹ‌ர்ப‌ஜ‌னின் திடீர் எக்ஸ்ட்ரா ப‌வுன்ஸ‌ரும் தோணியின் ரிஃப்ளேக்ஸ் கேட்சும் சூப்ப‌ர்ப்!!! டுமினி, வான் வைக், போத்தா, பீட்ட‌ர்ஸ‌ன் என்று எல்லாருமே இறுதிவ‌ரை அடித்து ஆட‌க்கூடிய‌வ‌ர்க‌ள்தான்... பிர‌ஷ‌ரையும் ச‌ரியான‌ இடைவெளிக‌ளில் சொல்லிவைத்து  குறைத்துக்கொண்டே வ‌ந்து தெளிவாக‌ வெற்றியைப் ப‌திவு செய்த‌ தென்னாப்பிரிக்காவுக்குத் தொட‌ர்ந்து துர‌திர்ஷ்ட‌வ‌ச‌மாக‌த் த‌க‌ர்ந்து வ‌ரும் உல‌க‌க்கோப்பைக் க‌ன‌வு இம்முறையேனும் நன‌வாக‌ட்டும்!! :-)

சேவ‌க், காம்பீர் ம‌ற‌க்காம‌ல் பாராட்ட‌ப் ப‌ட‌வேண்டிய‌வ‌ர்க‌ள்... குட் பேட்டிங்..... ச‌ச்சின்(111) சேவ‌க் (73) க‌ம்பீர் (69) இவ‌ர்க‌ளுக்குப் பிற‌கு அணியின் டாப் ஸ்கோர‌ர் உதிரிக‌ளின் எண்ணிக்கைதான் (Extras) (15)!!!! இந்த‌ ஒரு டேட்டா போதும்... க்வார்ட்ட‌ர் ஃபைன‌ல் வ‌ரை நாமெல்லாம் எதுவும் பேசாம‌ல் மௌன‌மாய் ம‌ற்ற‌ போட்டிக‌ளை வேடிக்கைப் பார்க்க‌....

இந்திய‌ அணி : இன்னுமாடா ந‌ம்ம‌ள‌ ந‌ம்புது இந்த‌ நாடு????!!!!!!


Pictures Courtesy: Cricinfo.com

Luv,

Prabu M